اقدار

اقدار

مندرجہ ذیل اقدار کے تحت، بینک کے ڈائریکٹرز اور ملازمین کی رہنمائی کی جائے گی:

• اعتماد پر مبنی تعلقات
• صارفین کی خدمت
• لوگوں کا احترام
• ذمہ داری کا احساس
• فوری اقدام
• رابطہ اور تعاون

مندرجہ بالا اقدار میں سے ہر ایک کی مختصر تفصیل مندرجہ ذیل ہے:

اعتماد پر مبنی تعلقات

ہمیں ان تمام لوگوں کے اعتماد پر پورا اترنا چاہیے جو ہمارے ساتھ کام کرتے ہیں یا ہمارے ساتھ کاروبار کرتے ہیں۔ ہر معاملے میں ایمانداری، انصاف اور سمجھ داری سے کام لینا ہی اعتماد حاصل کرنے کا ذریعہ ہےجبکہ اپنے وعدے پورے کرنا اعتماد کی بنیادی شرط ہے۔

صارفین کی خدمت

ہمیں اپنے صارفین کو بہترین ممکنہ خدمات فراہم کرنی چاہئیں۔ ہمیں ان کی بات توجہ سے سننی، ان کی ضروریات کو سمجھنا، ان کے مسائل حل کرنا اور ہمارے ساتھ کاروبار کرنا ان کے لیے آسان اور خوشگوار بنانا چاہیے۔ ہماری کوشش ہونی چاہیے کہ اپنی مصنوعات، خدمات اور نظام میں مسلسل بہتری اور جدت لاتے رہیں۔

لوگوں کا احترام

ہمیں اپنے ساتھیوں، صارفین اور ہر اس شخص کے ساتھ جو ہمارے ادارے سے رابطے میں آئے، احترام، شائستگی اور اچھے اخلاق سے پیش آنا چاہیے۔ ادارے کی سطح پر تمام ڈویژنز، شعبہ جات اور زونز کے اپنے الگ کردار اور ذمہ داریاں ہیں، اس لیے ہر شعبے کی ذمہ داریوں اور کردار کا احترام اور خیال رکھا جانا چاہیے۔

ذمہ داری کا احساس

ہمیں اپنے کام، فیصلوں اور اقدامات کی ذمہ داری انفرادی اور اجتماعی طور پر قبول کرنی چاہیے۔ ذمہ داری کا مطلب یہ ہے کہ کام مکمل کرنے کے لیے پوری کوشش کی جائے اور ضرورت پڑنے پر ہر ممکن قدم اٹھایا جائے۔ ذمہ داری کا احساس ایک ایسی سوچ ہے جس میں انسان اپنی ذمہ داریوں کو سمجھتا، انہیں قبول کرتا اور ہر حال میں پورا کرنے کا عزم رکھتا ہے۔

فوری اقدام

ہمیں ہر کام بروقت، تیزی اور مؤثر انداز میں کرنا چاہیے اور غیر ضروری تاخیر سے گریز کرنا چاہیے۔ بروقت اقدام ہماری ساکھ بہتر بناتا، اعتماد قائم کرتا اور کامیابی کے امکانات بڑھاتا ہے۔ تیزی سے بدلتے ہوئے ماحول میں بروقت فیصلہ اور عمل خاص طور پر اہم ہے، کیونکہ تاخیر سے مواقع ہاتھ سے نکل سکتے ہیں۔ بروقت اقدام میں وقت کی پابندی اور مقررہ مدت کی پاسداری بھی شامل ہے۔

رابطہ اور تعاون

ہمیں اپنے ساتھیوں اور صارفین کے ساتھ بہترین ممکنہ رابطہ اور مؤثر گفتگو برقرار رکھنی چاہیے۔ اچھی گفتگو کے لیے صبر اور توجہ سے دوسروں کی بات سننا بہت ضروری ہے۔ براہِ راست اور مؤثر رابطہ باہمی تعاون، بہتر ہم آہنگی اور مضبوط ٹیم ورک کے لیے بنیادی حیثیت رکھتا ہے۔