ٹریڈ سروسز

ٹریڈ سروس

بینک الحبیب لمیٹڈ ابتداء سے ہی اپنے صارفین کو ٹریڈ فنانس کے سلسلے میں پیشہ ورانہ مہارتوں اور تجربات کی روشنی میں خدمات پیش کر رہا ہے ۔ یہ پاکستان کےمعروف تجارتی مالیاتی بینکوں میں سے ایک ہے۔ بینک اپنے اندرون و بیرون ملک دفاتر کے نیٹ ورک کے علاوہ معاون بینکوں کے عالمی نیٹ ورک می بھی اپنی پہچان رکھتا ہے ۔ نیز بینک بھر پور حکمت عملی کے تحت اپنے صارفین کی قومی، علاقائی اور عالمی تجارتی مالیاتی ضروریات کوبہترین انداز سے پورا کرنے پر یقین رکھتا ہے ۔

بینک تجارتی مالیاتی خدمات کی ایک پوری رینج فراہم کرتا ہے جس میں درآمدی اور برآمدی سرگرمیاں جیسے کہ لیٹر آف کریڈٹ کا اجراء ، برآمدی دستاویزات کی خریداری، ضمانتو ں کی فراہمی اورتجارتی کاروباری ضروریات کو پورا کرنے کے لیے دیگر معاون خدمات کی فراہمی وغیرہ شامل ہیں ۔

تعاون

ہم آپ کو بیرون ملک محفوظ اور مؤثر طریقے سے کم لاگت کے ساتھ تجارت کرنےیا کاروبار کے پھیلائو میں مدد دیتے ہیں۔ ہم درآمدی اور برآمدی کاروباروں کیلئے ضمانتوں، عالمی ادائیگیوں، تجارتی فنانس اور غیر ملکی زرمبادلہ تک رسائی کی خدمات پیش کرتے ہیں۔ نیز ہم ماہرانہ تکنیکی معاونت سے آپ کو بین الاقوامی مواقعوں سے فائدہ اٹھانے کیلئے مکمل تعاون بھی فراہم کرتے ہیں ۔